Хэвийн байна гэдэг л хамгийн үнэтэй

 Өдөр бүрийг өөрөө туулж өнгөрүүлж байгаа хэрнээ л нэг мэдэхэл нэг дахь тав дахь өдөр болчих юм. Сая өмнө нь бичиж байсан блогоо уншисан 2 долоо хоногийн өмнө болсон зүйлээ гүйцэт дуусгаагүй байгаан байна. Бид тэр орой бага охиндоо тархины бичлэг хийлгэсэн, эмч нь ямар ч хэвийн бус зүйл харагдахгүй байна гэв. Мэдрэлийн эмчид үзүүлсэн эмч бас хүүхдийн хөгжил маш сайн байна гэсэн тул нөхөр бид 2-н сэтгэл нэг амрав. 

Бид дүгнэхдээ сая  9-н сард охины ангид нэг охин шинээр орж ирсэн тэр охиныг их ярьдаг, дандаа л тэр охинтой таарахгүй байх шиг байсан, би гэртээ тайлбарлаж уурын гаргаад явуулдаг ч орой ирэхдээ бас л бухимдалтай байдагсан. тэгсэн ангийн багш нь тэр охин өөрөө өмнөх цэцэрлэгтээ их тэргүүлэгч байсан одоо энд үеийнхээ хүүхдүүдэд дарагдаад манай нөхөр мэтийн хүүхдүүд илүү дээгүүр нь байхаар өөр аргаар хариугаа аваад маргаан үүсгэж байна. ганц манай охин ч биш гэсэн. Тэгэхээр тэр хүүхдийн сэтгэл зүй ч бас их бухимдалтай байгаа байх, 

Би эрхлэгчид ч би алийг нь ч буруутгаж, алийг нь ч өмөөрөхгүй ээ.  ахиж ийм бухимдалтай ангид хүүхдээ өгмөөргүй байна, бид төлбөртэй сайн гэсэн цэцэрлэгт хүүхдээ явуулж байгаа тайван сэтгэл зүйтэй байлгамаар байна. та бүхэн аль алинийг нь гомдоолгүй шийдэж өгөөрэй гэсэн хүсэлт тавьсан. Ашгүй тэр хүүхдийн өөр ангид шилжүүлж миний бага охин нэг тайван байдаг болсон. тэрнээс хойш гар татаагүй, тайван байдаг болсон. Манай хүн бууж өгөхгүй их л үзэлцдэг байсан юм шиг байгаан. ингэж нэг манайх тайван болсиймдаа. 

2021 оны 12 сарын 13-ны өдрөөс эхлэн манай 2 охин удаан хугацаанд хүссэн усан сэлэлтээр хичээллэж эхэллээ. Охид бол бөөн баяр баярлалаа ээжээ ааваа гээд л. бага охин гаранлаа хөвөгч хийчихсэн самардаж байснаа би мундаг байгааз, гэхээр нь тийм байна гэсэн чинь одоо би тэмцээнд орохуу гэж асуужуу хаха. Ирээдүйд том болоод мундаг тамирчин болохыг охиндоо ерөөе. Тууштай хичээллэх нөхцөлийг хангахын тулд аав ээж нь хичээнээ. Хүлээж суухаар хамт явий 2-лаа бас сэлж сурий гээд нөхөр бид 2 явахаар шийдсэн. одоо гоё сэлдэг 4-н хүн гарч ирэхнээ хэхэ. нөхөр бид 2 бас 10-н сараас эхлээд англи хэлний хичээлд сууж байгаа. Англи хэлээ сурахгүй бол огт болохгүй байна. 

Том охиноо одоо англ хэл дугуйлан, хятад хэлний онлайн анги, төгөлдөр хуур, усан бассэйнд явуулж байгаа. Бүгдийн мундаг хий гэж шаардахгүй ээ ээж нь, харин юм юманд дөртэй жоохон сэтгэлээсээ тууштай байгаасай л гэж хүсэх юм. Мэдээж энэ бүхнээс илүү эрүүл байгаасай, сайн бүхэн охидтой минь ойр байгаасай гэж хүсэж явдаг. 

Одоо шинэ жил болох гээд л тал талд баярласан хүмүүс,улаанбаатар нилээн их утаатай, хүйтэн байна. 2021,12,14

Ойрын дуулиан

 2021 оны 11 сарын 16-нд миний бие 35н нас хүрлээ. Ноднин жил 2 найз охинтойгоо хамт өдөржин дэлгүүр хэсээд л явж явж плаж дублэ худалдан аваад мар төрсөн өдрөө хийнэ гэд л бэлдсэн байтал гэнэт коронавирус гээд хөл хорионд орсоон. тэгээд тэмдгэлж чадаагүй, гэртээ хайртай 2 охин нөхөр гэнтийн бэлгэнд умбан өнгөрч билээ. Охид зурсан зураг, бичсэн шүлгээр бэлэг барьж нөхөр сайхан хоолоор дайлж, бэлэг өгөөд л өнгөрсөн. Бид олон сар хорионд байсан ч халдварт өвчин огт багасаагүйь тэрнээс хойш одоо яг нэг жил өнгөрч байна. Энэ жилийн төрсөн өдөр болоход ойр орчмын бүх хүмүүс коронатаад өнгөрлөө. Арай л аймаар байна. Одоо улсаас анх дотооддоо гараагүй байхад л сүржигнээд байсан байж, одоо бүр байхгүй хэн ч анхаарч байгаа юм байхгүй, хэдэн иргэд л өвдвөл өөрсдөө л чадлаараа эмчилж, анхаарч байна. Манай улсын төрийн бодлого арай л иргэдийнхээ төлөө бус гэдгийг байнга л мэдэрч явна. 

энэ жилийн төрсөн өдрөө хийх өдрийн өмнөх өдөр нөхрийн өвөө минь бурханы оронлуу 90-гн настайдаа явчихсан. Би 2021,11,12ны өдөр 5 дахь өдөр өвөө дээр очия гэхээр нөхөр дараа болий гэхээр нь зөрсөөр байгаад очсон. Очиж байж байгаад орой гэртээ хариад байж байтал оройны 10 цагийн үед таагүй мэдээ сонсоод бид очсон. 14ны өдөр буюу 1 дахь өдөр өвөөтэй салах ёс хийж дуусаад би гэртээ ирж хүүхдүүдээ зөөв. өвөөд зориулж асрамжийн газрын хүүхдүүдэд хувцас хоолны материал, хэрэгцээтэй зүйл авч өгч буяны ажил үйлдлээ. 

11,16-ны өдөр 35н насны төрсөн өдрийг амьд сагспон хөгжим сонсож, найзуудтайгаа үдшийг сайхан өнгөрөөсөөн. Төрсөн өдрөө тэгж нүсэр тэмдгэлж байгаагүй надад маш том дурсамж болж үлдлээ. 

Манай гэрийн паян дуусахгүй... төрсөн өдөр хийж дуусаад маргааш нь ажил дээрээ дин дун гэсэн нөхөр байжийтал нөхөр залгаап охины бөгсөн дээр хатиг гарчихсан өвдөөд байна гээд бид 3 их нялхас явлаа, Мэс заслын эмчид үзүүлсэн бүтэн норкоз хийж нээлт хийж идээг шахна гэхээр нь ийм бага хүүхдийн яаж бүтэн норкозонд оруулдагийн гэд бид идээнээс дээж авч бактерлоги шинжилгээ өгөөд дараа нь эмчилгээ хийлгэе гээд шинжилгээ өгсөн. 

маргааш нь бага охины цэцэрлэгийн багш нь ажил дээр байхад залгаад охины гар нь таталдаад байна гэд, аав нь давхиж очоод авсан баруун гар нь татаад байхаар нь бас их нялхас авч ороод, эмч нар нь байхгүй, удаан хүлээж нэг үзсэн эмнэлэгт хэвтэх бичиг хийж өгч байна. яагаад гэхээр таталт өгч байна гэсэн та нар гэнээ. Та үзээгүй шдээ гэсэн би мэдэхгүй хэвтэж байж мэднэ гэдгийн.... шаал сонин хүн үхэх гэж байвад яахуу? монголд эмнэлгийн үйлчилгээ хог юмаа нэрээ. охиноо аваад гэрлүүгээ явсан. Гэртээ ирээд тархины бичлэг хийлгэж үзэе гэж бодоод. 

хүүхэд өвдөх үнэхээр хэцүү, сэтгэл  санаа тэр шалаар нэг... хүүхэд л зүгээр бол бусад нь яаахав, олон хүүхэд гаргаж энэ ээлгүй орчинд хүүхэд зөвөөлтгүй юм байна гэдэг бодол л орж ирэх юм. Өнөөдөр орой тархины билэг хийлгэнэ. тэгээд зөвлөгөө авч эмчилчихээр гайгүй байхаа. 

Зуны аялал

 энэ зун 8-н сард гэр бүлээрээ сайхан аялал хийв. Би 2004 онд оюутан болсноос хойш нутагтаа очоогүй одоо бараг 19-н жил болжээ. энэ жил зорин зорин очлоо. 2021 оны зун 08-н сарын 09-ны өдөр гараад архангай, захван, увс, ховд, баянхонгор гээд л нийт 14 хоног аяласан. Бид өдөрт яваад орой болохоор 6-н үед майхнаа татаад л хоол ундаа хийж идээд буудалж аваад маргааш өглөө дахин майхан бүх зүйлээ хурааж, хогоо ачиж аваад л дараагийн газарлуугаа явдаг. монголын баруун аймгийн том том нуураар очиж, үзэсгэлэнт байгалуудыг хараад л жаргаж явлаа.  

эх орон минь уудам, агаар ус нь ямар цэнгэгийг мэдэрч л явлаа. Замд маш их бороо орж үер буусан ч бид дайраагүй биднийг яваад өнгөрөх үед л араас аадар бороо орж байгаа нь бидний аяны замыг ивээж байсан мэт. Нутагтаа очоод сайхан байсаан, ах дүү нараараа хэсээд л ээжийн минь ах дүү нар 10 гаран айл суманд байдгийн тэд нар маань биднийг очсон өдрөөс яван явтал айл болгон гэртээ оруулж, байгаа бүхнээ барьж дайлад л, өдөржин цагаан сар шиг айл хэсж янж бүрийн хоол идээд л, гоё гоё бэлэг аваад  бас л эрхэллээ шдээ. 

Охид маань их сайн явсан, хоол ундаа сайн идэж, хөдөө очоод л богинхон хугацаанд божин бор болчихсон алын хүүхдүүдтэй тоглоод сумын төвд дугуй унчихсан хотын охин гэж ялгагдахгүй л тоглож явсан. Бараг хөдөө байх нь дураараа хашигдах зүйлгүй байх шиг байгаан. охидуудаа дагуулаад зуны хугацаанд эх орноор нь аялуулвал, хүүхдүүд минь бие дааж, том болоод чөлөөт цагаа үр дүнтэй өнгөрүүлдэг болчихвол аав ээжийн зорилго биелэх нь тэр. 

Олоон жилийн дараа нуагтаа очиход таньдаг хүнгүй болсон ч энэ миний нутаг гэх мэдрэмж нь сайхан юм. яг үнэндээ бол аймаг арай дээр, сум бол яг байгаагаарай, яааж энэ хүмүүс суманд байдаг байнаа гэмээр л хөгжөөгүй байнлээ. Улс орны удирддаг нөхдүүд хотод байшин барилга гэхээс илүү сум оронд анхаарч, сургууль цэцэрлэг байрьж, хүмүүсийг нутагтаа сэтгэл хангалуун амьдрах нөхцөлийг хангаж өгмөөр байна гэж яриад л явж байлаа. 

Амьнаам минь тасарсан амь минь

     Амьдрал баян юмаа. Саяхан намайг ээж болгож, найз залууг минь аав болгож хорвоод мэндэлсэн охин үр минь хэдийн 9-н нас хүрчээ. Доороо нэг хөөрхөн сэргэлэн, ухаалаг дүү дагуулчихсан. Хоёр хөөрхөн охинтойгоо бид 2 аз жаргалтай сайхан амьдарч байгаадаа би байнга талахраж явдаг юм. 

     миний том охин чинь багадаа их уйлахтай, аав бид 2 нь анх охин төрсөн эхний хэдэн сар бол шөнийн нойр авна гэж байхгүй байсоон. охин шөнө болохоор л сэрвэгнээд л унтахгүй, уйлна, бас ааштай чанга байж билээ.  Би ч ядаргаанд ороод л чихэн дотор 3-н хатиг гарч, нүдэн дээр өвдөг гарах ч энүүхэнддээ. Охин уйлхаар би ч дагаж уйлаад л Одоо бодохоор бас л хөгжилтэй байжээ. Охин 5-н сар хүрээд нээх хөөрхөн болж эхэлсэндээ. Бид 3 зуны хугацаанд зуслан дээрээ гарчихсан охин минь бондойгоод л, хот хот инээгээд л үнэн хайр шүү. Охин ганц ган дугарахад нөхөр бид 2, хадам аав ээж бид 4 зүгээр өмнө нь бөмбөгнөн шдээ. Миний охин тэрийг мэддэг болчихсон үнэн даам шдээ. Одоо ч тэр эрх, зөрүүд анхаарлын төвд байдаг зангаарай. Өдөр ирэх тусам улам ухаан сууж, улам царайлаг, гэрэлтэж буй нар шиг ургаад л байгаан. 

4-н жилийн дараа минийй охин хөөрхөн дүү дагуулсан. Энгээд бид 2 хөөрхөн 2 охинтой болсон байдгийн. Бага охин 3-р сард төрөх үед гадаа хүйтэн байснаа нээх гоё дулаахан нартай байж билээ. Бага охиноо төрүүлэх гээд л 1-р төрөх эмнэлэгт орой 6-н цагт ороод орой 8-н цагт төрж билээ. Нөхөр хажууд өрөөнд орж ирээд бид 2 за одоо ч шөнө унтахгүй, хатуу өдрүүд эхэллээ гээд л их бэлтгэлтэй байтал охин минь орой унтаад өглөө сэрж аав ээжийгээ гайхшруулж билээ. Миний охин их тайван бараг уйлдаггүй байж билээ. ээж охин 2 шөнийн нойрыг сайн аваад л ээж нь их сайхан амарч байсан шүү. Бага охин их нээлттэй, нүүрэмгий мөн бусдын төлөө гэсэн сайхан сэтгэлтэй нь бүх үйлдэл дээр ажиглагддаг. Бага охин төрөөд 2 сартай байхад Том охин орон доороос сандаал гаргаж өмсөн гэж зүтгээд би авч өгөх санаатай ороо өргөтөл нуруу нэг  сонин болоод явчихсан, тэрнээс хойш хүүхдээ тэвэрч чадахгүй болтолоо нуруу татаж, нуруу өвдөхийн зовлонг мэдэрсээн. Олон ч газраар явсан сүүлд төмөр замд байдаг настай мундаг бариач дээр очоод бариулхад намайг саваа хазаалгасан байна гэж барьж өгөөд дээрдсэн. Тэр үес хойш иогатай холбогдсон юм байна. Миний охин одоо 5 нас гарантай. Эгч дүү 2-х хараад л бие биендээ ханьтай тоглож, нэгнээсээ суралцаж байгааг харах үнэхээр жаргал юм. Аав нь маш зөөлөн, охидынхоо аясаар байдаг тул аавдаа их хайртай, аавыгаа найз шигээ л бодно. Би эоохон шаардлага тавьдаг болохоор надаа бас эмээнээ. 

Амьдрал тандаа баярлалаа. Та үнэхээр баялаг юм. Өөрт байгаа болон энэ сайн хань сайхан охидуудтайдаа талархаж явдаг. Анх хадмындаа анхны охиноо төрүүлж, амьдарч байсан бид 2 одоо 2 хүүхдийн дэлгүүр ажилуулж, 4-н өрөө байран саяхан орсон. амьдралд бүх зүйл санаснаар бүтэж, биднийгээ байнга ивээж явдаг эх дэлхий, энэ тавиландаа талахрая. 

Аялалын болон Корона вирусын хур буусан жил

 Энд ийм блог бичиж байснаа ч таг мартаж гэж. 2020 онд бүр нэг ч блог хөтлөөгүй байншдээ хэхэ. би энд блог бичиг их дуртай учир нь хөгширсөн хойноо, охид том болчихоод уншихад бидний мартсан олон ч сайхан дурсамжыг эндээс сэргээх байх гэж боддог. 

2020 оны 10 сарын 25-с 11 сарын 15-г хүртэл нөхөртэйгөө хөтлөлцөж аваад солонгос, тайван, вьетнам, хонгконг зэрэг 4-н улсаар аялаж билээ. Солонгост байдаг найз дээрээ очиж тэднийд хэд хонож хамт гадуур газар үзэж сайхан хоолоор дайлуулж гоё аялсаан. Бид 2 өглөөний хоол идэж аваад л хөтлөлцөөд гардаг, өдөржин гадуур гоё газрууд үзэж, дэлгүүр хэсээд л явж явж орой 12-с метро зогсохтой зэрэгцээд л ядарсан хоёр хүн найзындаа очиж унтана. Солонгос их цэвэрхэн тухлаг газар юм билээ.Орчин үеийн байшин барилга ихтэй, загварлаг, завгүй хүмүүс,сайхан тааламжтай цаг агаартай.  Манай монголчууд их сайхан газар ажиллаж амьдардаг юм байна гээд л бид хоёр ярьж явлаа. Тайванлуу нисэхийн өмнөх өдөр монголоос бас нэгэн найз минь нөхөртэйгөө ирж бид уулзалдаж мах шарж, буу халсаар үүр цайтал сайхан сууж билээ. Бид 2 бараг 2 цаг унталгүй нүдний хор гаргаад л онгоцны буудал зүг явлаа. 

Тайванд үдээш өмнө 11 өнгөрөөд онгоц буусан. Яг л өмнөх шиг чийглэг халуун танил агаар цаанаа л нэг дотно. Магистер ангийн найз залуу бид 2-г хүлээгээд хүлээлгийн өрөөнд зогсож байлаа. Найз яг хэвээрээ шүү. Бид 3 онгоц буудал дээр утасны дугаар болон дата худалдаж аваад таовюан-с тайбэй хотрүү явсан. 101 давхарын доор алдарт динтайпэи хоолны газарт өдрийн хоол идэж аваад, гадуур жаал хэсээд, орой 7-н цагаас магистер ангийн хүүхдүүд намайг утган авч хоолонд орцгоов. 10-н жилийн дараа уулзахад бүгд яг хэвээрээ байгаа нь үнэхээр атаархаж биширмээр санагдсан.  Нөхдүүд хөнгөн хоол ногоо голчлон иддэг, цаг агаар нь чийглэг зөөлөн уур амьсгалтай, хүн амьдрахад маш тааламжтай орчинд яааж ч хөгширөхөвдээ,үрчлээс лав олж хараагүй .Намайг яг хэвэндээ байна гээд л байсан гэхдээ миний бодлоор би 2 хүүхэдтэй болж, архаг ээж болсон байхад нөхдүүд дөнгөж хуримаа хийж, жирэмсэн болж эхэлж байнлээ. За тайбэйд бас дүү сурдаг тул дүүгийн байранд 3 хоносон. Найзууд нэг нэгээрээ дагуулж онцлог газруудаар хөлийн ул эргэтэл зугаалсандаа. 4 дахь хоногийн өглөө бид 2 сурч байсан хот болох гаовшун хотын зүг хурдны галт тэргэнд суугаад явсан. Зам тээврийн харилцаа нь үнэхээр биширмээр хялбар, хурдан. 2 цагын дараа очих хотдоо очиж захиалсан буудалдаа орж, усанд орж хувцасаа сольж аваад сургуульруугаа очиход яг л өмнөх шигээ хэвээрээ байгаа нь тэнд туулж өнгөрүүлсөн олон дурсамжийг сэргээх мэт тааламжтай. Далайн эрэг дээр очиж иога хийж, өмнө нь өнгөрүүлсэн сайхан дурсамжаа ярилцаж суусаар нэг мэдэхэд оройн уулзалтын цаг болсон байв. Орой тус хотод амьдардаг ангийн найзууд, диплом удирдсан багштайгаа уулзаж хоолонд орж үдшийг сайхан өнгөрөөв. Орой буудалдаа очиж амраад өглөө эрт ангийн бид 2-г тоссон найз буудлын гадаа тосохоор ирж, бид хамт тайнан хотын зүг замд гарлаа. Алдарт алишан ууланд очиж үзээд оройдоо тайжон хотод очиж буудалд буув. Маргааш нь тайжон хотод хамгийн сайн найз охинтойгоо уулзаж бид хамт хоолонд ороод, нөгөө найз залуу бид 2-г найз охинд хүлээлгэн өгөөд түүний үүрэгт ажил дууслаа. Найз охин жирэмсэн нөхөртэйгөө хамт бид 2-г хүлээн аваад хуалиан хэмээх /би өмнө нь байхдаа очиж үзээгүй/үзэсгэлэнтэй далайн хотруу замд гарлаа. Бид 4 хэдэн хоног хамт сайхан аяллаа. Машинтай муруй замаар эргэлдэж уулын оройрүү явах нь үнэхээр аймшигтай санагдаж бүр 2 охиноо санаж билээ хэхэ. 10-н хоног найзууд дээрээ эрхэлж, алган дээр нь бөмбөрсөндөө. Бид 2-н дараагийн улсруу явах цаг ойртож бид онгоцны буудал явж очиход тайвань найзууд бүгд буудал дээр ирчихсэн хүлээж байсан нь үнэхээр сэтгэл догдлуулсан шүү. Энгээд найзуудтайгаа салах ёс хийж цааш вьетнам явах онгоцруугаа суулаа. 

вьетнам улсад ирлээ. Онгоц буудал дээр хар хар царайтай, хүзүү чихэндээ том том шар алт зүүсэн хүмүүс нь яг л монголыг санагдуулсан хэхэ. онгоцноос буугаад тээшээ авах гэж 2 цаг гаран хүлээсэн нь үнэхээр бухимдал төрүүлсэн. Шөнө 12 өнгөрч байхад тээшээ аваад, захиалсан буудалруугаа таксинд сууж явсан. Нээх аймаар замаар олон байшин дундуур сүлжээд явах нь бүүр нэг хүний наймаанд орчихвол яаана гэж бодоод айх гайхах зэрэгцээд хоёулаа таг дуугүй явж билээ. Буудалдаа ирэх үед нэг тайвширч өрөөндөө ортол өөдөөс зурган дээрх шиг лаг өрөө биш нь бас л гайхал төрүүлсөн хэхэ. Энэ улсад ангийн нэг вьетнам охин байдаг ч завгүй тул уулзаж амжаагүй. бид 2 өдрийн аялалд хамрагдаж үзэсгэлэнтэй байгаль үзэж, далай дээр усан онгоцонд хооллож тансаглаж авсаан. Хот нь хөл толгой нь олдохгүй замбараагүй, зам нь хүн дайруулж үхчих гээд л бас л янзын байнлээ. Байгаль бол тасархай гоё, гадны жуулчид маш ихтэй, өргөн том замтай, цэвэрхэн том онгоц буудалтай, орой унтахад ажиллаж л байна өглөө босоход ч ажиллаж л байдаг хөдөлмөрч ард түмэн байнлээ. бид 2 энд хэд хоноод цааш хонгконг явлаа. 

хонгконг-д ирлээ. Онгоц буудал дээр маш их цагдаа холхилдоод л, цаанаа л нэг түгшүүртэй. энд хятадыг эсэргүүцсэн бослого гараад нилээн үймээтэй, хот дотор бөмбөг дэлбэрч, хүн үхэж, шархдаж байгаа нь үнэхээр айдас төрүүлсэн тул бид 2 хотруу орохгүй онгоы буудалд хоноод өглөө нь нутгийн зүг нисэхээр шийдсэн. гэрээ охидоо ч их санасан тул элдэв эрсдэлтэй алхам хийхийг үнэхээр хүсээгүй. 

Ингээд маргааш нь МИАТ онгоцондоо сууж, жанцанноров гуайн цагаан суварга аялгуут дууг сонсож явсаар эх орондоо ирлээ. Онгоц буудал дээр буухад 11 сар дундаа орж монголд өвөл цаг ирсэн байлаа. Гэрийнхэндээ мэдэгдэхгүй бэлэг барих гээд бид 2 шууд такси бариад л гэрлүүгээ явсан. Хаалга тогшоод ортол 2 охин өөдөөс шооконд орж баярлаж уйлаад л, хадам аав ээж бүүр гайхаастай хэлэхгүй яааж байгаан бэ гээд л хэхэ. ингэж бид 2 хуримын 5-н жилийн ойндоо зориулж сайхан аялаж нүдээ нээж, бие ядарсан ч сэтгэлээ баясгаад ирлээ. 

12 сарын 3-нд Шанхай явж 4 хоноод ирсэн. Бас л 2-лаа шанхайн диснэелайнд орж нэг өдөржин хүүхэд болж тоглож авсан. Анх бодохдоо манай парк шиг хэмээн төсөөлж ороод жинхэнэ алмаарч, шооконд орсоноо нуух юун. Охидоо том болохоор нь дахин авч очиж тоглуулна гээд л ярчихсан байгаа. Шанхай хөгжсөн ч гэсэн цаана л нэг интернет нь заавал дугаараар бүртгүүлж ордог, олон улсын карт ч уншихгүй жуулчдад цаанаа л дарамттай санагдсан. Хүүхэд насандаа очоод нэгэн өдрийг бид 2 сайхан өнгөрүүлээд диснэйландэд өдөржин шоппинг хийж аваад нутгийн зүн буцлаа. 

2020 он аялалыг дэмжсэн сайхан жил байсан ч 2 сараас эхлээд л ковид гэх айхтар цар тахал гарч дэлхий дахиныг донсолгож, олон ч хүний алтан амыг авч явлаа. энэ тахал 2021 оны 2 сараас монгол дотооддоо алдаж, одоо өдөрт 1000-с дээш хүн халвдар авч, 7-15 хүн нас барж одоо ч дарагдаагүй байна. Бид вакцин хийлгэж эхэлсэн тул одоо нэг намжих байгаа хэмээн залбирч сууна. Хичээл сургууль 2020 оны сүүлээс 2021 оны зуны амралт хүртэл тэнхимээр орсонгүй ээ. Манайх бас энэ хүнд цаг үеийн хажуугаар байраа зарж, охины сургуульруу ойртож байр захиалсан, байр нь ковидын хорионоос болоод барилгын ажил зогсоод одоо болтол хагас жилээр хойшилоод ороогүй л байна. Маргааш 28-н хоногийн хорио тавигдаж бид ажилдаа явж, хүүхдийн онлайн хичээл амрахнээ. 2020,2021 онд гэрийн хорионд амарч байхдаа иога хийж л сэтгэлийн хямралд орчихолгүй давж байна. Маргааш хорионы сүүлийн өдөр бид 4 бууж хийж идэж амжилттай хориог давснаа тэмдэглэх санаатай хэхэ. Энхийн цаг ирж, дэлхий дахин тайван болох болтугай.